ໃຫ້ກຽດຕ້ອນຮັບໂດຍທ່ານ ປອ.ສຸກສົມພອນ ອະໂນໄທ ຫົວໜ້າພະແນກສຶກສາທິການ ແລະ ກິລາແຂວງ ສະຫວັນນະເຂດ ພ້ອມດ້ວຍຄະນະຫ້ອງການສຶກສາທິການ ແລະກິລາ14 ເມືອງ ແລະ1ນະຄອນ,ຫົວໜ້າ/ຮອງຫົວໜ້າສູນການສຶກສາ,ຫົວໜ້າ/ຮອງຫົວໜ້າຂະແໜງ,ຄະນະອໍານວຍການໂຮງຮຽນ,ແລະຄູ-ອາຈານເຂົ້າຮ່ວມ.
ໃນໂອກາດນີ້, ທ່ານ ປອ.ສຸກສົມພອນ ອະໂນໄທ ຫົວໜ້າພະແນກສຶກສາທິການແລະກິລາແຂວງ ກໍ່ໄດ້ຂຶ້ນຜ່ານບົດລາຍງານການຈັດຕັ້ງປະຕິບັດວຽກງານການສຶກສາ-ກິລາໃນໄລຍະຜ່ານມາ; ໃນພິທີ ທ່ານ ສີທອງ ສີຂາວ ວ່າການຫົວໜ້າກົມແຜນການ ກະຊວງສຶກສາທິການແລະກິລາໄດ້ປະກອບຄໍາເຫັນກ່ຽວກັບທິດທາງໃນການແກ້ໄຂສິ່ງທ້າທາຍ ທີ່ເກີດຂຶ້ນໃນຂະແໜງການສຶກສາ-ກິລາ ຂອງພວກເຮົາ.
ຈາກນັ້ນ, ທ່ານ ປອ. ສໍາລານ ພັນຄະວົງ ຮອງລັດຖະມົນຕີກະຊວງສຶກສາທິການ ແລະ ກິລາໃນໂອກາດ ໄດ້ລົງມາຢ້ຽມຢາມ ແລະ ພົບປະ ຊຶ່ງເພິ່ນໄດ້ສະແດງຄວາມຢື້ຢາມຖາມຂ່າວຄວາມເປັນຫ່ວງເປັນໄຍ ຄວາມສາມັກຮັກແພງອັນອົບອຸ່ນ ມາຍັງຜູ້ບໍລິຫານ, ພະນັກງານ, ຄູ-ອາຈານ ທຸກຂັ້ນ; ສະແດງຄວາມຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ. ຄຽງຄູ່ກັບຜົນສໍາເລັດດັ່ງກ່າວ ທ່ານຍັງໃຫ້ທິດຊີ້ນໍາບາງດ້ານເພື່ອເປັນທິດທາງໃນຕໍ່ໜ້າ ໂດຍສະເພາະ,ໃຫ້ຜູ້ບໍລິຫານທຸກ, ຄູ-ອາຈານ ທຸກຂັ້ນ ສືບຕໍ່ວຽກງານການສຶກສາ-ກິລາ, ຍົກສູງຄວາມສາມັກເປັນປຶກແຜ່ນ, ເອົາໃຈໃສ່ປະຕິບັດໜ້າທີ່ຕາມພາລະບົດບາດຂອງຕົນຢ່າງເຕັມສ່ວນ ເພື່ອຍົກສູງຄຸນນະພາບການສຶກສາໄປເທື່ອລະກ້າວ, ເອົາການສຶກສາໄປກ່ອນບາດກ້າວໜຶ່ງ ຕິດພັນກັບການຈັດຕັ້ງປະຕິບັດ ມະຕິ 9 ເພື່ອແກ້ໄຂບັນຫາການສຶກສາ-ກິລາຂອງພວກເຮົາ,ຄູ-ອາຈານ ໃນການປະລະໂມງສອນ. ຈົ່ງໄດ້ພ້ອມກັນສຸມໃສ່ຈັດຕັ້ງປະຕິບັດໃຫ້ສໍາເລັດ,ຕິດຕາມຊຸກຍູ້ປະເມີນການຈັດຕັ້ງປະຕິບັດໜ້າທີ່ ຕາມຂອບເຂດຄວາມຮັບຜິດຊອບຂອງຕົນ, ຕິດຕາມແຜນການທີ່ກໍານົດໄວ້ ໃຫ້ເປັນປົກກະຕິ ຕິດພັນກັບການປະຕິບັດນະໂຍບາຍ,ສໍາຄັນ ສືບຕໍ່ວຽກງານປ້ອງກັນຊາດ-ປ້ອງກັນຄວາມສະຫງົບ ຮັກສາໄດ້ຄວາມສະຫງົບເປັນລະບຽບຮຽບຮ້ອຍ ພາຍໃນສະຖານການສຶກສາ-ກິລາ;ຮຽກຮ້ອງມາຍັງຄະນະຜູ້ບໍລິຫານທຸກຂັ້ນ ແກ້ໄຂບັນຫາທີ່ຈໍາເປັນຮີບດ່ວນໃຫ້ທັນເວລາ.ໃນພິທີ ຍັງໄດ້ມອບອຸປະກອນການຮຽນ-ການສອນ, ເຄື່ອງກິລາ ໃຫ້ ໂຮງຮຽນ ມ.ສ ສາມັນກິນນອນຊົນເຜົ່າແຂວງສະຫວັນນະເຂດໃຫ້ກຽດມອບຂອງທ່ານ ສີທອງ ສີຂາວ ວ່າການຫົວໜ້າກົມແຜນການ ກະຊວງສຶກສາທິການແລະກິລາແລະ ກ່າວຮັບຂອງ ທ່ານ ສົມລິດ ອຸ່ນທະວີ ຜູ້ອໍານວຍການໂຮງຮຽນ ມ.ສ ສາມັນກິນນອນຊົນເຜົ່າແຂວງສະຫວັນນະເຂດພ້ອມຄະນະຕື່ມອີກ.
