🎙️ ຟັງສຽງອ່ານຂ່າວ AI (Lao Voice Reader)
Lao Neural Voice
ໃນພິທີ ໄດ້ມີການຜ່ານຂໍ້ຕົກລົງ ວ່າດ້ວຍການສັບຊ້ອນ ແລະ ຈັດວາງບຸກຄະລາກອນຄືນໃໝ່ ການສັບຊ້ອນໃນຄັ້ງນີ້ ມີຈຸດປະສົງເພື່ອປັບປຸງກົງຈັກການຈັດຕັ້ງ ຂອງພະແນກສຶກສາທິການ ແລະ ກິລາແຂວງ ໃຫ້ມີຄວາມເຂັ້ມແຂງ ແລະ ສອດຄ່ອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່. ອີກທັງເປັນການສ້າງເງື່ອນໄຂໃຫ້ພະນັກງານ ໄດ້ຝຶກຝົນຫຼໍ່ຫຼອມຕົນເອງ ແລະ ສ້າງປະສົບການໃນໜ້າທີ່ວຽກງານຕົວຈິງຫຼາຍດ້ານ ເພື່ອຂັບເຄື່ອນວຽກງານການສຶກສາຂອງແຂວງ ໃຫ້ມີປະສິດທິພາບສູງຂຶ້ນ.
ໃນໂອກາດນີ້ ທ່ານ ປອ ສຸກສົມພອນ ອະໂນໄທ ໄດ້ໃຫ້ກຽດໂອ້ລົມ ແລະ ເນັ້ນໜັກໃຫ້ພະນັກງານທີ່ໄດ້ຮັບການສັບຊ້ອນໜ້າທີ່ໃໝ່ ຈົ່ງສືບຕໍ່ຍົກສູງຄວາມຮັບຜິດຊອບຕໍ່ໜ້າທີ່, ເພີ່ມທະວີຄວາມສາມັກຄີພາຍໃນໃຫ້ແໜ້ນແຟ້ນ, ເອົາໃຈໃສ່ສຶກສາຮຽນຮູ້ວຽກງານໃໝ່ ແລະ ພັດທະນາຕົນເອງຢ່າງບໍ່ຢຸດຢັ້ງ ເພື່ອພ້ອມກັນປະຕິບັດແຜນພັດທະນາການສຶກສາ ແລະ ກິລາ ຂອງແຂວງສະຫວັນນະເຂດ ໃຫ້ບັນລຸຕາມຄາດໝາຍທີ່ວາງໄວ້.
