ກອງປະຊຸມປະເມີນ ແລະ ທາບທາມຜູ້ບໍລິຫານລະດັບສູງຂອງພະແນກສຶກສາທິການ ແລະ ກິລາແຂວງສະຫວັນນະເຂດ
ໃນວັນທີ 8 ພຶດສະພາ 2025, ພະແນກສຶກສາທິການ ແລະ ກິລາແຂວງສະຫວັນນະເຂດ ໄດ້ຈັດກອງປະຊຸມທີ່ມີຄວາມສຳຄັນຢ່າງຍິ່ງຂຶ້ນ ທີ່ຫ້ອງປະຊຸມໃຫຍ່ຂອງພະແນກ. ກອງປະຊຸມຄັ້ງນີ້ມີຈຸດປະສົງຫຼັກເພື່ອປະເມີນຜົນການປະຕິບັດງານຂອງຫົວໜ້າຂະແໜງຕ່າງໆພາຍໃນພະແນກ ແລະ ດຳເນີນການທາບທາມບຸກຄະລາກອນທີ່ມີສັກກະຍະພາບ ເພື່ອພິຈາລະນາແຕ່ງຕັ້ງເປັນຫົວໜ້າຂະແໜງ ແລະ ຜູ້ບໍລິຫານສູນການສຶກສາທີ່ຂຶ້ນກັບພະແນກ.
ອີງຕາມແຈ້ງການຈາກຫ້ອງວ່າການແຂວງ, ທ່ານຮອງເຈົ້າແຂວງ ໄດ້ລົງເຄື່ອນໄຫວຢູ່ເມືອງຕ່າງໆ ໃນລະຫວ່າງວັນທີ 29 ເມສາ ຫາ 7 ພຶດສະພາ 2025.
ລາຍລະອຽດການເຄື່ອນໄຫວວຽກງານ:
ກອງປະຊຸມໄດ້ຈັດຂຶ້ນຢູ່ສະໂມສອນຂອງແຕ່ລະເມືອງ.
ການສອບເສັງແຂ່ງຂັນນັກຮຽນເກັ່ງລະດັບຊາດ ຊັ້ນມັດທະຍົມສຶກສາ ເປັນກິດຈະກຳທີ່ສຳຄັນ ແລະ ເປັນບູລິມະສິດຂອງກະຊວງສຶກສາທິການ ແລະ ກິລາ. ກິດຈະກໍານີ້ມີຈຸດປະສົງເພື່ອວັດ ແລະ ປະເມີນຜົນສໍາເລັດດ້ານການສິດສອນຂອງຄູ ແລະ ການຮຽນຂອງນັກຮຽນ, ແລະເປັນການຊຸກຍູ້ຂະບວນການແຂ່ງຂັນທາງດ້ານການຮຽນ-ການສອນ. ໃນໂອກາດນີ້, ພວກເຮົາຂໍສະແດງຄວາມຊົມເຊີຍຢ່າງສຸດໃຈຕໍ່ ກົມກອງ, ຄູ-ອາຈານ ທີ່ໄດ້ຮັບການຍ້ອງຍໍ.
ໃນວັນທີ 2 ພຶດສະພາ 2025 ທີ່ຫ້ອງປະຊຸມໃຫຍ່ ພະແນກສຶກສາທິການ ແລະ ກິລາແຂວງສະຫວັນນະເຂດ ໂດຍການເປັນປະທານຂອງທ່ານ ປອ ສຸກສົມພອນ ອະໂນໄທ ຫົວໜ້າພະແນກ ສກຂ, ທ່ານ ພິມມະສອນ ວໍຣະຍຸດ ຮອງຫົວໜ້າພະແນກ, ທ່ານ ອະນຸສອນ ສຸດທິວົງຮອງ ຫົວໜ້າພະແນກ, ທ່ານ ອຳພອນ ຂາວເພຍສຸພົມຮອງຫົວໜ້າພະແນກ, ຫົວໜ້າ/ຮອງສຶກສາທິການ ແລະ ກິລາເມືອງ, ທ່ານ ອະໂນລາດ ພິມໂວຫານ ຫົວໜ້າຂະແໜງສາມັນ, ທ່ານຜູ້ອຳນວຍການໂຮງຮຽນ, ພະນັກງານ-ວິຊາການພະແນກ, ຄູ-ອາຈານ ແລະ ນ້ອງນັກຮຽນ ທັງໝົດ 162 ທ່ານ. ກ່ອນຈະເຂົ້າສູ່ພິທີໄດ້ມີການສະແດງສິລະປະ-ວັນນະຄະດີ ຈາກນ້ອງນັກຮຽນ ໂຮງຮຽນ ມ.ສ ສາທິດ ແລະ ໂຮງຮຽນ ມ.ສ ມິດຕະພາບລາວ-ຫວຽດນາມ.
ໃນລະຫວ່າງວັນທີ 24 ຫາ 25 ເມສາ 2025 ທີ່ຫ້ອງປະຊຸມໃຫຍ່ ພະແນກສຶກສາທິການ ແລະ ກິລາແຂວງສະຫວັນນະເຂດ ໄດ້ມີກອງປະຊຸມເປີດເຜີຍບົດສະຫຼຸບການຈັດຕັ້ງປະຕິບັດແຜນພັດທະນາຂະແໜງການສຶກສາ ແລະ ກິລາ 06 ເດືອນທ້າຍປີ 2024 ແລະ ແຜນພັດທະນາ 06 ເດືອນຕົ້ນປີ 2025, ເຊິ່ງໄດ້ໃຫ້ຂໍ້ມູນລະອຽດກ່ຽວກັບຄວາມຄືບໜ້າ, ສິ່ງທ້າທາຍ ແລະ ທິດທາງໃນອະນາຄົດຂອງການສຶກສາໃນທົ່ວແຂວງ.
ໃນວັນທີ 21 ເມສາ 2025 ທີ່ຜ່ານມາທີ່ ໂຮງຮຽນ ມ.ສ ນາປອດ ບ້ານນາປອດ ເມືອງອາດສະພອນ ແຂວງສະຫວັນນະເຂດ ມູນນິທິເກື້ອຝັນເດັກຮ່ວມກັບ ສູນເຕັກໂນໂລຊີຂ່າວສານ ແລະ ການສື່ສານການສຶກສາ ແລະ ພະແນກສຶກສາທິການ ແລະ ກິລາແຂວງ ສະຫວັນນະເຂດ ຈັດຝຶກອົບຮົມ “ການນຳໃຊ້ຫຼັກສູດການສອນຄອມພິວເຕີ” ໂດຍການເຂົ້າຮ່ວມຂອງທ່ານ ອໍາພອນ ຂາວເພຍສຸພົມ ຮອງຫົວໜ້າພະແນກສຶກສາທິການ ແລະ ກິລາແຂວງສະຫວັນນະເຂດ, ທ່ານ ດອນ ທຳມະວົງ ຮອງຫົວໜ້າຫ້ອງການສຶກສາເມືອງ,