ຂະແໜງຈັດຕັ້ງ-ພະນັກງານ

1. ຈັດຕັ້ງເຜີຍແຜ່ມະຕິ, ຂໍ້ກຳນົດ, ລະບຽບຫຼັກການ ແລະ ນິຕິກຳຕ່າງໆ ຕາມການມອບໝາຍຂອງຫົວໜ້າພະແນກສຶກສາທິການ ແລະ ກິລາແຂວງ,

2. ວາງແຜນພັດທະນາວຽກງານຕ່າງໆ ຂອງຂະແໜງ

3. ຄົ້ນຄວ້າ, ຜັນຂະຫຍາຍ ສ້າງ ແລະ ປັບປຸງນິຕິກໍາ ກ່ຽວກັບວຽກງານຂອງຂະແໜງຈັດຕັ້ງ ແລະ ພະນັກງານ ໃຫ້ສອດຄ່ອງກັບກົດໝາຍ, ລະບຽບການ ແລະ ແທດເໝາະກັບສະພາບຕົວຈິງຂອງແຕ່ລະໄລຍະ

4. ສັງລວມ ແຜນຄວາມຕ້ອງການ, ແຜນຝຶກອົບຮົມ, ຍົກລະດັບ ແລະ ພັດທະນາພະນັກງານ-ລັດຖະກອນ ສຶກສາ ແລະ ກິລາ ພາຍໃນແຂວງ;

5. ຄົ້ນຄວ້າ ແລະ ນໍາສະເໜີການປັບປຸງກົງຈັກການຈັດຕັ້ງ ແລະ ກໍານົດຕໍາແໜ່ງງານ ພາຍໃນແຂວງ,

6. ຄົ້ນຄ້ວາ ແລະ ນໍາສະເໜີ ການປະຕິບັດນະໂຍບາຍສະຫວັດດີການ, ການບັນຈຸ, ສັບຊ້ອນ, ຍົກຍ້າຍ, ແຕ່ງຕັ້ງ ປົດຕໍາແໜ່ງ, ເລື່ອນຊັ້ນ-ຂັ້ນເງິນເດືອນ, ບຳເນັດ, ບໍານານ, ລາພັກ, ເສຍຊີວິດ, ຍ້ອງຍໍ ແລະ ປະຕິບັດວິໄນ ໃຫ້ພະນັກງານ-ລັດຖະກອນ ພາຍໃນແຂວງ,

7. ຄຸ້ມຄອງກອງທຶນ ສະຫວັດດີການແຫ່ງຊາດ ພາຍໃນແຂວງ,

8. ຮັບຜິດຊອບວຽກງານ ກໍ່ສ້າງພັກ ແລະ ອົງການຈັດຕັ້ງມະຫາຊົນ ພາຍໃນແຂວງ;

9. ຄົ້ນຄວ້າ ແລະ ນໍາສະເໜີ ການໃສ່ນາມມະຍົດ

10. ຄຸ້ມຄອງພະນັກງານ-ລັດຖະກອນສຶກສາ ແລະ ກິລາ ຕາມລະບຽບການ;

11. ຄຸ້ມຄອງ ຖານຂໍ້ມູນ ແລະ ສໍານວນເອກະສານລັດຖະກອນ ສຶກສາ ແລະ ກິລາ ພາຍໃນແຂວງ;

12. ສ້າງແຜນ, ຝຶກອົບຮົມ ແລະ ຍົກລະດັບ ຄູ ແລະ ບຸກຄະລາກອນ ພາຍໃນແຂວງ ໂດຍປະສານສົບທົບກັບ ພາກສ່ວນທີ່ກ່ຽວຂ້ອງ;

13. ຕິດສາມ, ກວດກາ, ປະເມີນຜົນ ແລະ ສະຫຼຸບ ລາຍງານ ການຈັດຕັ້ງປະຕິບັດວຽກງານຕ່າງໆ ພາຍໃນຂະແໜງເປັນປົກກະຕິ;

14. ປະຕິບັດໜ້າທີ່ອື່ນ ຕາມການມອບໝາຍ.