ຂ່າວສານ-ແຈ້ງການ

ເນື່ອງໃນໂອກາດວາລະການໄຂສົກຮຽນໃໝ່ ສາຍສາມັນສຶກສາ ປະຈໍາສົກຮຽນ2024 – 2025 ໄດ້ໝູນວຽນມາບັນຈົບຄົບຮອບ ແລະ ປຽບເໝືອນບຸນປາງໃຫຍ່ຂອງແຂວງສະຫວັນນະເຂດ ອີກວາລະໜຶ່ງ

🏛️ ການເຄື່ອນໄຫວ 📅 ວັນທີ: 23 ກັນຍາ 2024

ທ່ານ ຫົວໜ້າພະແນກສຶກສາທິການ ແລະ ກິລາ ແຂວງສະຫວັນນະເຂດ ຂໍຖືເປັນກຽດແຈ້ງຂ່າວມາຍັງທ່ານ ການນໍາຂັ້ນເມືອງ ແລະ ນະຄອນໄກສອນພົມວິຫານ, ຫົວໜ້າຫ້ອງການສຶກສາທິການ ແລະ ກິລາເມືອງ 14 ເມືອງ ແລະ ນະຄອນໄກສອນພົມວິຫານ

456280374 529354902896288 2705707336079318980 n

ຄະນະພັດທະນາການສຶກສາຂັ້ນເມືອງ, ຂັ້ນບ້ານ, ຜູ້ອໍານວຍການໂຮງຮຽນ, ຄູ-ອາຈານ, ພໍ່ແມ່, ອ້າຍເອື້ອຍນ້ອງ, ນັກທຸລະກິດ ຜູ້ປະກອບການຕ່າງໆ ໃນທົ່ວສັງຄົມ ເພື່ອພ້ອມກັນຫຼຸດຜ່ອນອັດຕາປະລະການຮຽນ ຂອງນັກຮຽນ ຈຶ່ງຂໍການຮ່ວມມືຊຸກຍູ້ສົ່ງເສີມແນະນໍາ ແລະ ອໍານວຍຄວາມສະດວກ ຜູ້ປົກຄອງລະດົມລູກຫຼານຂອງຕົນຢູ່ໃນເກນອາຍຸເຂົ້າຮຽນ ໃຫ້ໄດ້ເຂົ້າຮຽນຢ່າງທົ່ວເຖິງ 100 % ສົກຮຽນໃໝ່ 2024 – 2025 ແລະ ຂໍການມີສ່ວນຮ່ວມຂອງສັງຄົມ ຊ່ວຍເອົາໃຈໃສ່ຮ່ວມກັນໃຫ້ການສະໜັບສະໜູນ ກໍາລັງແຮງທາງດ້ານທຶນຮອນ, ອຸປະກອນການສຶກສາ ແລະ ອື່ນໆ ໃຫ້ໂຮງຮຽນ, ນັກຮຽນເຂດຫ່າງໄກສອກຫຼີກທຸກຍາກຂາດເຂີນ ແລະ ກໍາລັງແຮງກາຍ ເປັນເຈົ້າການຕິດຕາມການຈັດການຮຽນ-ການສອນ ຂອງຄູ-ອາຈານ ແລະ ການໄປຮໍ່າຮຽນຂອງລູກຫຼານນັກຮຽນ ໃນແຕ່ລະໂຮງຮຽນຂອງເມືອງ ແລະ ນະຄອນໄກສອນພົມວິຫານ ໄດ້ດໍາເນີນການຮຽນ-ການສອນເປັນປົກກະຕິຕະຫຼອດສົກຮຽນ2024 – 2025 ນີ້.

ແຂວງສະຫວັນນະເຂດ ຈັດກອງປະຊຸມຜູ້ບໍລິຫານການສຶກສາ ແລະກິລາປະຈຳສົກຮຽນ 2023-2024

🏛️ ການເຄື່ອນໄຫວ 📅 ວັນທີ: 29 ກໍລະກົດ 2024

ໃນຕອນເຊົ້າຂອງວັນທີ 29 ກໍລະກົດ 2024 ຢູ່ທີ່ສະໂມສອນ ຫ້ອງວ່າການແຂວງ ໄດ້ຈັດກອງ ປະຊຸມຜູ້ບໍລິຫານການສຶກສາ ແລະກິລາ ປະຈຳສົກຮຽນ 2023 -2024 ແລະວາງທິດທາງແຜນ ພັດທະນາການສຶກສາ ແລະກິລາ ປະຈຳສົກຮຽນ 2024-2025

ໃຫ້ກຽດເຂົ້າຮ່ວມເປັນປະທານ ຂອງທ່ານ ບຸນໂຈມ ອຸບົນປະ ເສີດ ເລຂາພັກແຂວງ ເຈົ້າແຂວງ ສະຫວັນນະເຂດ, ມີທ່ານ ນາງ ຫຼິງທອງ ແສງຕາວັນ ຮອງເຈົ້າ ແຂວງ ທັງເປັນຜູ້ຊີ້ນຳວຽກງານ ວັດທະນະທຳ-ສັງຄົມ, ມີບັນດາ ທ່ານການນຳຂັ້ນແຂວງ, ຫົວໜ້າ ພະແນກສຶກສາທິການ ແລະກິລາ ແຂວງ, ທ່ານເຈົ້າເມືອງ ໃນ 14 ເມືອງ, 1 ນະຄອນ, ຜູ້ບໍລິຫານ ການ ສຶກສາທົ່ວແຂວງ, ຫົວໜ້າ ຫ້ອງ ການສຶກສາທິການ ແລະກິ ລາເມືອງ, ນະຄອນແຂກຖືກເຊີນ ເຂົ້າຮ່ວມນຳ.

453769324 819953083577878 1639481728451692391 n

ທ່ານ ປອ ສຸກສົມພອນ ອະໂນໄທ ຫົວໜ້າພະແນກສຶກສາ ທິການ ແລະກິລາແຂວງ ໄດ້ຜ່ານບົດລາຍງານຜູ້ບໍລິຫານການສຶກ ສາ, ທົ່ວແຂວງມີໂຮງຮຽນທັງໝົດ 1,952 ແຫ່ງ, ມີພະນັກງານ-ລັດ ຖະກອນ 7,525 ຄົນ, ຍິງ 4,704 ຄົນ, ໃນນັ້ນ ມີຄູອາສາ 1,227 ຄົນ, ຍິງ 879 ຄົນ, ມີໂຮງຝາກເດັກ ແລະຊັ້ນອະນຸບານ 485 ແຫ່ງ, ມີ 1,000 ຫ້ອງ, ຄູສອນ 827 ຄົນ, ຊັ້ນປະຖົມສຶກສາມີ 1,235 ແຫ່ງ, ມີ 2,279 ຫ້ອງ, ຄູສອນ 3,715 ຄົນ, ມັດທະຍົມຕົ້ນ ແລະ ປາຍມີ 232 ແຫ່ງ, ໃນນີ້ ມີມັດ ທະຍົມສົມບູນ 102 ແຫ່ງ, ມັດທະ ຍົມຕົ້ນ 127 ແຫ່ງ, ມັດທະ ຍົມປາຍ 03 ແຫ່ງ, ມີຄູສອນ 2,707 ຄົນ, ປະຕິບັດຄາດໝາຍການສຶກສາ ແລະກິລາ ທີ່ມີຄວາມຄືບໜ້າດີ 7 ຄາດໝາຍຄື: ອັດຕານັກຮຽນເຂົ້າ ໃໝ່ ປ 1 ທຽບໃສ່ເດັກ 6 ປີ ບັນ ລຸໄດ້ 99.5% ເທົ່າກັບ 9,717 ຄົນ, ດັດສະນີຄວາມສະເໝີພາບ ຍິງ-ຊາຍອັດຕາເລື່ອນຊັ້ນ ປ 5-ມ 1 ປະຕິບັດໄດ້ 1.0, ປະຊາກອນ ໜຸ່ມ ແລະຜູ້ປະລະການຮຽນໄດ້ ບຳລຸງຜ່ານການສຶກສານອກໂຮງ ຮຽນປະຕິບັດໄດ້ 5,289 ຄົນ ແລະຝຶກອົບຮົມວິຊາຊີບ 209 ຄົນ, ລື່ນແຜນການປີ 1,461 ຄົນ, ຝຶກອົບຮົມວິຊາຊີບ 134 ຄົນ, ຄູຊັ້ນປະຖົມ ແລະມັດທະຍົມ ສຶກສາໄດ້ຮັບການຝຶກອົບຮົມປະ ຕິບັດໄດ້ 25.02%, ເທົ່າກັບ 1,071 ຄົນ, ນັກຮຽນທີ່ຈົບຊັ້ນ ມັດທະຍົມຕອນຕົ້ນໄດ້ເຂົ້າຮຽນ ຕໍ່ສາຍອະຊີວະສຶກສາ ແລະອົບ ຮົມວິຊາຊີບປະຕິບັດໄດ້ 9.55% ເທົ່າກັບ 716 ຄົນ, ລື່ນແຜນ ການປີ 0.2%, ສົ່ງເສີມໃຫ້ມວນ ຊົນທຸກເພດທຸກໄວໄດ້ເຂົ້າຮ່ວມ ຫັດກາຍະບໍລິຫານ, ການອອກ ກໍາລັງການ ແລະການຫຼິ້ນກິລາ ປະຕິບັດໄດ້ 42.15%, ເທົ່າ ກັບ 456,001 ຄົນ, ຊຸກຍູ້ ແລະ ສົ່ງເສີມວິທະຍາສາດປະຕິບັດໄດ້ 02 ຫົວຂໍ້ຄື: ປະເມີນລະດັບຄ່ານິ ຍົມຂອງນັກຮຽນ ມ4 ແລະ ມ7 ແລະສະພາບບັນຫາການປະລະ ການຮຽນຂອງນັກຮຽນເຂດພູ ດອຍ. ຜົນສຳເລັດໂດຍລວມປະ ຈຳສົກຮຽນ 2023-2024 ສຳ ເລັດການສອບເສັງເລື່ອນຂັ້ນ ແລະ ຈົບຊັ້ນປະຖົມສຶກສາທົ່ວແຂວງ ສອບຜ່ານຈົບຊັ້ນ ປ5 ຈຳນວນ 15,116 ຄົນ, ຍິງ 7,750 ຄົນ, ສອບຫຼຸດຄາດໝາຍມີ 6 ຄົນ, ຍິງ 2 ຄົນ, ຊັ້ນມັດທະຍົມຕອນຕົ້ນສອບ ຜ່ານ 6,427 ຄົນ, ຍິງ 3,312 ຄົນ, ສອບຫຼຸດຄາດໝາຍ 9 ຄົນ, ຍິງ 6 ຄົນ, ມັດທະຍົມຕອນປາຍສອບໄດ້ ທັງໝົດ 3,844 ຄົນ, ຍິງ2,000 ຄົນ, ເທົ່າກັບ 99.41%, ສອບຫຼຼຸດ ຄາດໝາຍມີ 23 ຄົນ, ຍິງ 7 ຄົນ ແລະນັກຮຽນເກັ່ງຮອບດ້ານຄະແນນສອບເສັງທຸກໆວິຊາໜ້ອຍ ກວ່າ ຫຼື ເທົ່າກັບ 7 ມີທັງໝົດ 856 ຄົນ, ຍິງ 588 ຄົນ, ໄດ້ປະກາສະນີ ຍະບັດແດງຄະແນນສະເລ່ຍທຸກໆ ວິຊາໜ້ອຍກວ່າ ຫຼື ເທົ່າກັບ 9 ມີ 2 ຄົນ, ຜົນການສອບເສັງນັກຮຽນ ເກັ່ງລະດັບຊາດທີ 2 ມີ 3 ຄົນ, ລະດັບທີ 3 ມີ 1 ຄົນ, ການສຶກ ສານອກໂຮງຮຽນວຽກລຶບລ້າງ ຄວາມບໍ່ຮູ້ໜັງສື ແລະບຳລຸງຊັ້ນ ປະຖົມແກ່ປະຊາຊົນສົກປີ 2023-2024 ໄດ້ຈັດຕັ້ງການຮຽນ-ການ ສອນຊັ້ນປະຖົມລະດັບ 1 ມີທັງ ໝົດ 921 ຄົນ, ຍິງ 323 ຄົນ, ສອບເສັງໄດ້ 910 ຄົນ, ຍິງ 319 ຄົນ, ເທົ່າກັບ 98.80%, ສະ ໜອງອາຫານທ່ຽງໃຫ້ໂຮງຮຽນ ປະຖົມໃນ 8 ເມືອງລວມ 420 ໂຮງຮຽນ, ສ້າງໂຮງຮຽນປະຖົມ ໄດ້ 5 ຫຼັງ, ສ້າງຫ້ອງຮຽນກຸ່ມພັດ ທະນາຊຸມຊົນ 15 ຫຼັງຂອງໂຄງ ການຈີພີອີ 3 ແລະສຳເລັດການ ເຝີກອົບຮົມການເບີກຈ່າຍ-ຕິດ ຕາມເງິນໂຄງການອາຫານທ່ຽງ ທັງພາກລັດ ແລະເອກະຊົນ.

453715155 819953980244455 5333997461749048958 n

ພະແນກສຶກສາທິການ ແລະ ກິລາ ແຂວງສະຫວັນນະເຂດ ລາຍງານຄວາມພ້ອມຮອບດ້ານ ໃນການຈັດຕັ້ງການສອບເສັງຈົບຊັ້ນ ມ.4 ແລະ ມ.7

🏛️ ການເຄື່ອນໄຫວ

📅 ວັນທີ: 20 ສິງຫາ 2025

ພະແນກສຶກສາທິການ ແລະ ກິລາ ແຂວງສະຫວັນນະເຂດ ລາຍງານຄວາມພ້ອມຮອບດ້ານ ໃນການຈັດຕັ້ງການສອບເສັງຈົບຊັ້ນ ມ.4 ແລະ ມ.7 ປະຈຳສົກຮຽນ 2025-2026

ສະຫະພັນກິລາເທຄວັນໂດແຂວງສະຫວັນນະເຂດຈັດການແຂ່ງຂັນເທຄວັນໂດປະຈໍາປີ 2024

🏛️ ການເຄື່ອນໄຫວ 📅 ວັນທີ: 30 ມີນາ 2024

ການແຂ່ງຂັນເທຄວັນໂດປະຈໍາປີ 2024 ໄດ້ຈັດຂຶ້ນໃນວັນທີ 30 ມີນາ 2024 ຜ່ານມານີ້ທີ່ສະໜາມກິລາໃນຮົ່່ມແຂວງສະຫວັນນະເຂດ ໃຫ້ກຽດເຂົ້າຮ່ວມໂດຍ ທ່ານ ສອນນາລົງ ສີຊະນະມຸງຄຸນ ຮອງເລຂາສະຫະພັນເທຄວັນໂດແຂວງ ສະຫວັນນະເຂດ ແລະ ທ່ານ ອະນຸສອນ ສຸດທິວົງ ຮອງຫົວໜ້າພະແນກສຶກສາທິການແລະກິລາແຂວງ, ມີທ່ານ ສົມສິດ ຫວັນນະບົວທອງ ຫົວໜ້າຂະແໜງກິລາກາຍຍະກໍາ-ສິລະປະ (ສກຂ) ພ້ອມດ້ວຍແຂກຖືກເຊີນ, ຜູ້ໃຫ້ການສະໜັບສະໜູນ, ຄະນະກໍາມະການຕັດສີນ,ຄູຝຶກ ແລະ ນັກກິລາ ຕະຫຼອດຮອດມວນຊົນຊາວແຂວງສະຫວັນນະເຂດ ຮ່ວມຊົມ-ເຊຍຢ່າງຫຼວງຫຼາຍ.

435048182 446245991207180 6304346196306312315 n

ໂອກາດນີ້, ທ່ານ ສຸພີ ເຄືອບມາວົງ ໄດ້ລາຍງານໃຫ້ຮູ້ວ່າ: ການຈັດການແຂ່ງຂັນຄັ້ງນີ້ ຈັດຂຶ້ນເພື່ສ້າງຂະບວນການຂໍ່ານັບຮັບຕ້ອນວັນສໍາຄັນຕ່າງໆ ແລະ ສົ່ງເສີມໃຫ້ເຍົາວະຊົນ-ຊາວໜຸ່ມໄດ້ມີການເຄື່ອນໄຫວຝຶກແອບ ແລະ ແຂ່ງຂັນລະຫວ່າງສະໂມສອນໃນຂອບເຂດທົ່ວແຂວງສະຫວັນນະເຂດ. ອີກປະການໜຶ່ງກໍເປັນການຈັດກິດຈະກໍາ ກ່ອນເຂົ້າຮ່ວມງານກິລານັກຮຽນທົ່ວປະເທດທີ່ແຂວງສາລະວັນເປັນເຈົ້າພາບໃນທ້າຍປີນີ້ອີກດ້ວຍ. ດັ່ງນັ້ນ, ສະຫະພັນເທຄວັນໂດແຂວງ ຈຶ່ງໄດ້ຈັດການແຂ່ງຂັນຄັ້ງນີ້ຂຶ້ນມາໂດຍມີການຊີງໄຊໃນຮຸ່ນອະນຸຊົນ, ເຍົາວະຊົນ, ຊາວໜຸ່ມ ທັງປະເພດຟ້ອນປຸ່ມເຊ້ ແລະ ປະເພດຕໍ່ສູ້ມີຄະນະທິມເຂົ້າຮ່ວມທັງໝົດ07ພາກສ່ວນ;ມີນັກກິລາເຂົ້າຮ່ວມ110ຄົນ,ຍິງ 52ຄົນ.ມາຈາກເມືອງໄຊບູລີ,ເມືອງຈໍາພອນ,ເຊໂປນ,ໂຮງຮຽນມ.ສໂພນສະຫວັນ,ໂຮງຮຽນສາມັນສຶກສາມິດຕະພາບລາວ-ຫວຽດນາມ,ໂຮງຮຽນມ.ຕົ້ນຈອມແກ້ວ,ມ.ຕົ້ນສຸນັນທາແຂວງສະຫວັນນະເຂດ.

434208340 446243844540728 7429477040704021370 n

ຜ່ານການແຂ່ງຂັນເປັນເວລາ 01 ວັນເຕັມຜົນປະກົດວ່າ: ອັນດັບທີ່01:ໄດ້ແກ່ສະໂມສອນເທຄວັນໂດໂຮງຮຽນ ມ.ຕົ້ນ ຈອມແກ້ວ ນະຄອນໄກສອນພົມວິຫານແຂວງ ສະຫວັນນະເຂດຍາດມາໄດ້ເຖິງ 12 ຫຼຽນຄໍາ: ອັນດັບທີ02:ໄດ້ແກ່ສະໂມສອນເທຄວັນໂດໂຮງຮຽນສາມັນສຶກສາມິດຕະພາບລາວ-ຫວຽດນາມ ນະຄອນໄກສອນພົມວິຫານ,ແຂວງສະຫວັນນະເຂດຍາດມາໄດ້ເຖິງ07ຫຼຽນຄໍາ: ອັນດັບທີ03: ໄດ້ແກ່ສະໂມສອນເທຄວັນໂດເມືອງເຊໂປນ ມາໄດ້05ຫຼຽນຄໍາ ໃຫ້ກຽດມອບຫຼຽນລາງວັນຄັ້ງນີ້ໂດຍ ທ່ານ ສອນນາລົງ ສີຊະນະມຸງຄຸນ ຮອງເລຂາສະຫະພັນເທຄວ້ນໂດແຂວງ ສະຫວັນນະເຂດ ແລະ ທ່ານ ອະນຸສອນ ສຸດທິວົງ ຮອງຫົວໜ້າພະແນກສຶກສາທິການແລະກິລາແຂວງ ສະຫວັນນະເຂດຜັດປ່ຽນກັນມອບໃຫ້ນັກກິລາແຕ່ລະຄົນຢ່າງສົມກຽດ.

434717533 446245907873855 2368594590013222570 n

(ພາບ-ຂ່າວ : ຄໍາແພງເພັດ ຂັນຕິວົງ)

ສະຫະພັນແມ່ຍິງຮາກຖານພະແນກສຶກສາທິການແລະກິລາແຂວງສະຫວັນນະເຂດຫວນຄືນມູນເຊື້ອວັນແມ່ຍິງສາກົນ 114ປີ.

🏛️ ການເຄື່ອນໄຫວ 📅 ວັນທີ: 6 ມີນາ 2024

ວັນທີ 06 ມີນາ 2024ນີ້:ສະຫະພັນແມ່ຍິງຮາກຖານພະແນກສຶກສາທິການ ແລະ ກິລາແຂວງ ສະຫວັນນະເຂດໄດ້ຫວນຄືນມູນເຊື້ອ ວັນແມ່ຍິງສາກົນ ວັນທີ 08 ມີນາ ທີ່ໄດ້ໝູນວຽນມາບັນຈົບຄົບຮອບ 114 ປີໃນ ປີນີ້ ທີ່ຫ້ອງປະຊຸມພະແນກສຶກສາທິການແລະກິລາແຂວງ ,ໂດຍການເຂົ້າຮ່ວມຂອງ ສະຫາຍ ອະນຸສອນ ສຸດທິວົງ ຄະນະພັກຮາກຖານ, ຮອງຫົວໜ້າພະແນກສຶກສາທິການ ແລະ ກິລາແຂວງ ແລະ ພາຍໃຕ້ການເປັນປະທານຂອງທ່ານ ນາງ ບົວວັນ ສຸວໍລະວົງ ປະທານສະຫະພັນແມ່ຍິງຮາກຖານ ພະແນກສຶກສາທິການແລະກິລາ ແຂວງສະຫວັນນະເຂດ,ມີຄະນະໜ່ວຍແມ່ຍິງອ້ອມຂ້າງແຂວງ ແລະ ສະມາຊິກແມ່ຍິງເຂົ້າຮ່ວມຮັບຟັງຢ່າງຫຼວງຫຼາຍ.

431534607 431639892667790 1540363663037301990 n

ຈາກນັ້ນທ່ານ ນາງ ບົວວັນ ສຸວໍລະວົງ ປະທານສະຫະພັນແມ່ຍິງຮາກຖານພະແນກສຶກສາທິການ ແລະ ກິລາແຂວງ ສະຫວັນນະເຂດກໍ່ໃຫ້ກຽດຂື້ນປາຖະກະຖານຫວນຄືນມູນເຊື້ອວັນແມ່ຍິງສາກົນ 114 ປີ ໂດຍທ່ານໄດ້ຍົກໃຫ້ເຫັນເຖິງປະຫວັດຄວາມເປັນມາຂອງວັນແມ່ຍິງສາກົນ ວັນທີ 08 ມີນາວ່າ: ໂດຍທົ່ວໄປແລ້ວແມ່ຍິງຊາວຜູ້ອອກແຮງງານໃນທົ່ວໂລກລ້ວນແຕ່ເປັນຜູ້ດຸໝັ້ນ,ຂະຫຍັນພຽນໃນການຜະລິດເຂົ້າ,ປາ,ອາຫານ ແລະ ເຄື່ອງຂອງອື່ນໆເພື່ອລ້ຽງດູຄອບຄົວ ແລະ ສັງຄົມ ແຕ່ບໍ່ໄດ້ຮັບການເອົາໃຈໃສ່ເບິ່ງແຍງດູແລຈາກສັງຄົມ,ຕໍ່ໜ້າສະພາບການ ແລະ ຄວາມທຸກທໍລະມານດັ່ງກ່າວ ກໍາມະກອນແມ່ຍິງຮູ້ສຶກຄຽດແຄ້ນ,ຈຶ່ງໄດ້ສາມັກຄີກັນລຸກຂື້ນຕໍ່ສູ້,ທວງໃຫ້ພວກນາຍທຶນ ເຊິ່ງແມ່ນເຈົ້າຂອງໂຮງຈັກ,ໂຮງງານຕ້ອງແກ້ໄຂຊີວິດການເປັນຢູ່ໃຫ້ເຂົາເຈົ້າ,ມາເຖິງປີ 1910 ກອງປະຊຸມສາກົນ ກ່ຽວກັບແມ່ຍິງຢູ່ໂກເປນຮາກ ຂອງປະເທດເດນມາກ ໄດ້ຮັບຮອງ ແລະ ຕົກລົງເອົາວັນທີ 8 ມີນາ ຂອງທຸກປີ ເປັນວັນແມ່ຍິງສາກົນ,ວັນທີ 8 ມີນາ ແມ່ນເຫດການ-ການເມືອງທີ່ສໍາຄັນ ໃນການຕໍ່ສູ້ທວງເອົາສິດຜົນປະໂຫຍດອັນຊອບທໍາໃຫ້ແກ່ແມ່ຍິງຊາວຜູ້ອອກແຮງງານໃນທົ່ວໂລກ,ເປັນວັນລະນຶກເຖິງການຕໍ່ສູ້ຂອງແມ່ຍິງ ເພື່ອປົດປ່ອຍຕົນເອງ ແລະ ທວງໃຫ້ມີສິດສະເໝີພາບ ປະຊາທິປະໄຕຄືກັນກັບຜູ້ຊາຍ,ທວງໃຫ້ພວກນາຍທຶນແກ້ໄຂຊີວິດການເປັນຢູ່ພາຍໃຕ້ຄໍາຂວັນ ຜູ້ໜຶ່ງເຮັດວຽກມື້ລະ 8 ຊົ່ວໂມງ,ແມ່ຍິງ ແລະ ຜູ້ຊາຍ ເຮັດວຽກຄືກັນ ຕ້ອງໄດ້ຮັບເງິນເດືອນເທົ່າກັນ,ຕ້ອງມີລະບອບປ້ອງກັນສຸຂະພາບຂອງແມ່ຍິງ ແລະ ເດັກນ້ອຍ,ຕ້ານສົງຄາມຮຸກຮານ,ປົກປັກຮັກສາສັນຕິພາບຂອງໂລກ

430597394 431639976001115 6317982925981546303 n

ພ້ອມນີ້ທ່ານ ຍັງຍົກໃຫ້ເຫັນເຖິງບັນດາອົງການຈັດຕັ້ງ,ສົນທິສັນຍາ,ຖະແຫຼງການ ແລະ ກອງປະຊຸມຕ່າງໆກ່ຽວກັບແມ່ຍິງໃນລະດັບສາກົນ,ພາກພື້ນ ແລະ ອາຊຽນ,ນະໂຍບາຍ ແລະ ກົນໄກສົ່ງເສີມຄວາມກ້າວໜ້າຂອງແມ່ຍິງໃນ ສປປ ລາວ, ວຽກງານພົວພັນ ແລະ ຮ່ວມມືກັບຕ່າງປະເທດໃນປີ 2024,ສໍາລັບຄໍາຂວັນຂອງວັນແມ່ຍິງສາກົນໃນປີ 2024 ປີນີ້ ແມ່ນມີຄໍາຂວັນວ່າ: ລົງທຶນເລັ່ງໃສ່ການພັດທະນາຄວາມກ້າວໜ້າ ຂອງແມ່ຍິງ.

429820381 431640019334444 6455336604099125191 n

ພະແນກສຶກສາທິການ ແລະ ກິລາແຂວງສະຫວັນນະເຂດ ຈັດກອງປະຊຸມແນະແນວວຽກງານ ຄພສບ ແນໃສ່ຫຼຸດຜ່ອນອັດຕາປະລະການຮຽນ ໃນ 9 ເມືອງເປົ້າໝາຍ

🏛️ ການເຄື່ອນໄຫວ

📅 ວັນທີ: 1 ມີນາ 2024

ໃນລະຫວ່າງວັນທີ 2-3 ເມສາ 2026 ທີ່ຜ່ານມາ ພະແນກສຶກສາທິການ ແລະ ກິລາແຂວງສະຫວັນນະເຂດ ໄດ້ຈັດກອງປະຊຸມແນະແນວວຽກງານ ຄະນະພັດທະນາການສຶກສາຂັ້ນບ້ານ (ຄພສບ) ແລະ ການສ້າງໂຮງຮຽນໃຫ້ບັນລຸ 3 ຂໍ້ແຂ່ງຂັນ ເພື່ອຫຼຸດຜ່ອນອັດຕາປະລະ ແລະ ເພີ່ມອັດຕາເຂົ້າຮຽນໃໝ່.

ແຕ່ງຕັ້ງຮອງຜູ້ອໍານວຍການໂຮງຮຽນອະນຸບານມິດຕະພາບສະຫວັນນະເຂດ-ກວາງບິງ

🏛️ ການເຄື່ອນໄຫວ 📅 ວັນທີ: 29 ກຸມພາ 2024

ວັນທີ 29 ກຸມພາ 2024, ໂຮງຮຽນອະນຸບານມິດຕະພາບສະຫວັນ-ກວາງບິງໄດ້ຈັດພິທີປະກາດແຕ່ງຕັ້ງຮອງຜູ້ອໍານວຍການ ຂຶ້ນຢູ່ໂຮງຮຽນດັ່ງກ່າວ ໂດຍການເປັນປະທານຂອງທ່ານ ອະນຸສອນ ສຸດທິວົງ ຮອງຫົວໜ້າພະແນກສຶກສາທິການແລະກິລາແຂວງ,

ທ່ານ ສະຫງວນຮັກ ທົງພັກດີ ຫົວໜ້າຂະແໜງຈັດຕັ້ງ-ພະນັກງານພະແນກສຶກສາທິການແລະກິລາແຂວງ,ທ່ານນາງ ບົວວັນ ສຸວໍລະວົງ ຮັກສາການຜູ້ອໍານວຍການໂຮງຮຽນອະນຸບານມິດຕະພາບສະຫວັນນະເຂດ-ກວາງບິງ,ພະນັກງານລັດຖະກອນຄູແລະ ຜູ້ທີ່ຖືກແຕ່ງຕັ້ງ ເຂົ້າຮ່ວມ.

430470231 427998806365232 4931679520090920276 n

#ໃນພິທີ,ທ່ານນາງ ພູວິໄລ ແກ້ວມີໄຊ ວິຊາການຂະແໜງຈັດຕັ້ງ-ພະນັກງານພະແນກສຶກສາທິການແລະກິລາແຂວງໄດ້ຜ່ານຂໍ້ຕົກລົງຂອງທ່ານຫົວໜ້າພະແນກສຶກສາທິການແລະກິລາແຂວງສະຫວັນນະເຂດສະບັບເລກທີ424/ສກຂ.ຈຕ,ລົງວັນທີ28ກຸມພາ2023 ວ່າດ້ວຍການແຕ່ງຕັ້ງທ່ານນາງ ບຸນມີ ວໍລະວົງເປັນຮອງຜູ້ອໍານວຍການໂຮງຮຽນອະນຸບານມິດຕະພາບສະຫວັນ-ກວາງບິງ

430484536 427999163031863 6714247212034225123 n

#ຈາກນັ້ນ, ກໍໄດ້ມອບຂໍ້ຕົກລົງ ໃຫ້ແກ່ຜູ້ທີ່ຖືກແຕ່ງຕັ້ງໃໝ່ 01 ທ່ານ, ໃຫ້ກຽດມອບໂດຍທ່ານອະນຸສອນ ສຸດທິວົງ ຮອງຫົວໜ້າພະແນກສຶກສາທິການແລະກິລາແຂວງ,. ຕອນທ້າຍພິທີ, ທ່ານ ອະນຸສອນສຸດທິວົງ ກໍມີຄໍາເຫັນໂອ້ລົມຊີ້ທິດເຍືອງທາງ ຕື່ມອີກ.

430057724 427999263031853 4775992422500304348 n

#ໃນໂອກາດຮັບຄໍາໂອວາດ ແລະ ທິດຊີ້ນໍາຂອງປະທານ,ຂ້າພະເຈົ້ານາງ ບຸນມີ ວໍລະວົງ ຮອງຜູ້ອໍານວຍການໂຮງຮຽນອະນຸບານມິດຕະພາບສະຫວັນ-ກວາງບິງ ຄົນໃໝ່ ຂໍໃຫ້ຄໍາໝັ້ນສັນຍາວ່າ ຈະອຸທິດຕົນເອງ,ສຸມທຸກກຳລັງແຮງ, ສະຕິປັນຍາ, ເສຍສະຫຼະເພື່ອປະເທດຊາດ, ຈະນຳເອົາທຸກທິດຊີ້ນຳໄປຈັດຕັ້ງຜັນຂະຫຍາຍເຂົ້າໃນການຈັດຕັ້ງປະຕິບັດວຽກງານທີ່ຕົນຮັບຜິດຊອບ ຢ່າງມີຜົນສຳເລັດ ແລະ ເປັນຮູບປະທຳ.

ໜ່ວຍພັກໂຮງຮຽນສາມັນກິນນອນຊົນເຜົ່າສະຫຼຸບການຈັດຕັ້ງປະຕິບັດວຽກງານ ການເຄື່ອນໄຫວປະຈໍາ ປີ 2023 ແລະ ທິດທາງແຜນການ 6 ເດືອນຕົ້ນປີ 2024

🏛️ ການເຄື່ອນໄຫວ 📅 ວັນທີ: 23 ກຸມພາ 2024

ໃນວັນທີ 23 ກຸມພາ 2024 ຜ່ານມານີ້:ໜ່ວຍພັກໂຮງຮຽນສາມັນກິນນອນຊົນເຜົ່າ ທີ່ຂື້ນກັບຮາກຖານພະເເນກສຶກສາທິການ ແລະ ກິລາແຂວງສະຫວັນນະເຂດໄດ້ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານ ການເຄື່ອນໄຫວປະຈໍາ ປີ 2023 ແລະ ທິດທາງແຜນການ 6 ເດືອນຕົ້ນປີ 2024 ທີ່ຫ້ອງປະຊຸມຂອງຕົນ.ໂດຍການເປັນປະທານຂອງສະຫາຍນາງ ບໍ່ແກ້ວ ແກ້ວພາວັນ ຄະນະພັກຮາກຖານ,ຮອງຫົວໜ້າພະແນກສຶກສາທິການແລະກິລາແຂວງມີບັນດາຄະນະໜ່ວຍພັກອ້ອມຂ້າງແຂວງທີ່ຂື້ນກັບຮາກຖານພະແນກສຶກສາທິການແລະກິລາແຂວງ ແລະ ສະມາຊິກພັກ ພາຍໃນໜ່ວຍເຂົ້າຮ່ວມຢ່າງພ້ອມພຽງ.

429921871 426270023204777 5201229035222007080 n

ໃນພິທີ ສະຫາຍ ສົມລິດ ອຸ່ນທະວີ ເລຂາໜ່ວຍພັກໂຮງຮຽນສາມັນກິນນອນຊົນເຜົ່າ ໄດ້ຂື້ນຜ່ານບົດສະຫຼຸບການຈັດຕັ້ງປະຕິບັດວຽກງານກໍ່ສ້າງພັກ-ພະນັກງານແລະປັບປຸງກົງຈັກການຈັດຕັ້ງປະຈໍາປີ2023 ແລະ ທິດທາງແຜນການ06ເດືອນຕົ້ນປີ2024 ແລະ ຕີລາຄາການຈັດຕັ້ງປະຕິບັດວຽກງານກໍ່ສ້າງພັກ-ພະນັກງານແລະປັບປຸງກົງຈັກການຈັດຕັ້ງໃນພາກທີ I ແລະ ພາກທີIIຕື່ມອີກ.

429922808 426269996538113 1534946130462186583 n

ຕ້ອນທ້າຍ ສະຫາຍ ນາງ ບໍ່ແກ້ວ ແກ້ວພາວັນ ຄະນະພັກຮາກຖານ,ຮອງຫົວໜ້າພະແນກສຶກສາທິການ ແລະ ກິລາແຂວງ ສະຫວັນນະເຂດໄດ້ເເນະນໍາໃຫ້ບັນດາທຸກສະຫາຍເອົາໃຈໃສ່ວຽກງານການຈັດຕັ້ງປະຕິບັດວຽກວິຊາສະເພາະ, ຄຸ້ມຄອງລາຍຮັບ - ລາຍຈ່າຍຕ່າງໆ ກົງຈັກການຈັດຕັ້ງຂອງຂະເເຫນ່ງການຕ່າງໆຂັ້ນເມືອງ, ນະຄອນ ແລະ ຜອ ໂຮງຮຽນ, ຊີ້ນໍາມະຫາຊົນໃຫ້ເຄື່ອນໄຫວເປັນປົກກະຕິໃນວັນສໍາຄັນຂອງພັກ,ຂອງຊາດ ແລະ ກິດຈະກໍາຕ່າງໆ, ໃຫ້ຫນ່ວຍພັກນໍາພາ -ຊີ່ນໍາເອົາເນື້ອໃນເອກະສານທີ່ສໍາຄັນຂອງພັກນໍາໄປຈັດຕັ້ງປະຕິບັດ (ໂດຍສະເພາະວຽກການສອບເສັງ) ມອບໃຫ້ເປັນຫູເປັນຕານໍາກັນໃນການກໍ່ສ້າງພັກປັບປຸງພະນັກງານ ແລະ ຊຸກຍູ້ໃຫ້ພະນັກງານໄປຮຽນເພື່ອຄົ້ນຄ້ວາຫາຄວາມຮູ້ພາຍໃນ ແລະ ຕ່າງປະເທດ.

ຮອງລັດຖະມົນຕີ ສສກ ເຄື່ອນໄຫວຕິດຕາມການສອບເສັງຈົບຊັ້ນມັດທະຍົມສຶກສາຕອນປາຍ ( ມ.7 )ປະຈໍາສົກ2023-2024ທີ່ ແຂວງ ສະຫວັນນະເຂດ

🏛️ ການເຄື່ອນໄຫວ 📅 ວັນທີ: 23 ສິງຫາ 2023

ວັນທີ 19-21 ມິຖຸນາ 2024 ຢູ່ເມືອງ ເຊໂປນ,ພີນ,ພະລານໄຊແລະ ນະຄອນໄກສອນພົມວິຫານແຂວງສະຫວັນນະເຂດໄດ້ຈັດພິທີຕ້ອນຮັບທ່ານ ປອ.ສຸລິອຸດົງ ສຸນດາລາ ຮອງລັດຖະມົນຕີກະຊວງສຶກສາທິການ ແລະກິລາ ໃນໂອກາດທີ່ທ່ານພ້ອມດ້ວຍຄະນະໄດ້ລົງມາເຄື່ອນໄຫວເຮັດວຽກ ແລະຕິດຕາມການສອບເສັງຈົບຊັ້ນມັດທະຍົມສຶກ...

448831716 493366469828465 347097685912885450 n
ເປັນກຽດຕ້ອນຮັບ ທ່ານຮອງລັດຖະມົນຕີກະຊວງສຶກສາທິການແລະກິລາ ພ້ອມຄະນະໂດຍທ່ານ ອະນຸສອນ ສຸດທິວົງ ຮອງຫົວໜ້າພະແນກສຶກສາທິການ ແລະ ກິລາແຂວງ ສະຫວັນນະເຂດ,ການນໍາຂັ້ນເມືອງ ແລະ ການນໍາຂັ້ນນະຄອນໄກສອນພົມວິຫານ ຕ່າງໜ້າຈາກກະຊວງສຶກສາທິການ ແລະ ກິລາຜູ້ຊີ້ນຳການສອບເສັງປະຈຳແຂວງ ສະຫວັນນະເຂດ, ທ່ານຫົວໜ້າຫ້ອງການສຶກສາທິການແລະກິລາເມືອງ ແລະ ນະຄອນໄກສອນພົມວິຫານ, ທ່ານຄະນະກຳມະການຊີ້ນຳສູນສອບເສັງຂັ້ນແຂວງ,ຂັ້ນເມືອງຕະຫຼອດຮອດຄະນະກຳມະການຄວບຄຸມຫ້ອງສອບເສັງ , ບັນດາທ່ານ ຄະນະອໍານວຍການໂຮງຮຽນອ້ອມຂ້າງທີ່ຂຶ້ນກັບພະແນກ , ພະນັກງານຄູ-ອາຈານເຂົ້າຮ່ວມ.

448883740 493366559828456 6320463047543191116 n
ໃນໂອກາດນີ້ ທ່ານຄະນະຊີ້ນຳການສອບເສັງຈົບຊັ້ນ ທັງ ມ4 ແລະ ມ7 ຂັ້ນແຂວງແລະນະຄອນໄກສອນພົມວິຫານແລະເມືອງປະຈຳສົກຮຽນ 2023-2024 ໄດ້ລາຍງານໂດຍຫຍໍ້ໃນການຈັດຕັ້ງປະຕິບັດວ່າເພື່ອ ອີງຕາມຄຳສັ່ງແນະນໍາຂອງລັດຖະມົນຕີກະຊວງສຶກສາທິການ ແລະ ກິລາ, ສະບັບເລກທີ 4233/ສສກ, ລົງວັນທີ 23ສິງຫາ 2023 ວ່າດ້ວຍການຈັດຕັ້ງປະຕິບັດຫຼັກສູດການຮຽນ-ການສອນ ສາຍສາມັນສຶກສາປະຈໍາສົກຮຽນ 2023-2024 ແລະ ອີງຕາມ: ແຈ້ງການຂອງຫ້ອງການກະຊວງສຶກສາທິການ ແລະ ກິລາ ສະບັບເລກທີ 1789/ຫກ ລົງວັນທີ 7 ພຶດສະພາ 2024 ເລື່ອງການສອບເສັງຈົບຊັ້ນມັດທະຍົມສຶກສາ(ມ.4 ແລະ ມ.7) ປະຈໍາສົກຮຽນ 2023-2024: ທົ່ວແຂວງມີສູນສອບເສັງຈົບຊັ້ນມັດທະຍົມຕອນປາຍ ມ.7(22 ສູນ) ມີນັກສອບເສັງໃນທະບຽນທັງໝົດ 3,877 ຄົນ, ຍິງ 2,036 ຄົນ, ມີຈໍານວນ 193 ຫ້ອງສອບເສັງ,ການສອບເສັງຈົບຊັ້ນ ມ.7 ຈັດຂຶ້ນໃນລະຫວ່າງວັນທີ 19-21ມິຖຸນາ 2024. ແຕ່ສໍາລັບສາຍສຶກສາສົງແມ່ນໄດ້ສອບເສັງພາກວິຊາທໍາມະໃນວັນທີ 18 ມິຖຸນາ 2024 ສ່ວນວິຊາທາງໂລກແມ່ນປະຕິບັດຄືກັນກັບສາຍສາມັນສຶກສາ.,ວິຊາສອບເສັງສຳລັບຊັ້ນ ມ.7 ມີ 05 ວິຊາສອບເສັງຄື : ວິຊາ ພາສາລາວ-ວັນນະຄະດີ, ຄະນິດສາດ, ພາສາອັງກິດ, ກຸ່ມວິຊາວິທະຍາສາດທໍາມະຊາດ ແລະ ກຸ່ມວິຊາວິທະຍາສາດສັງຄົມ ພ້ອມທັງໄດ້ລາຍງານບັນຫາ ແລະ ຂໍ້ຄົງຄ້າງໃຫ້ຊາບ.

448901988 493366663161779 6072598130257134846 n
ໃນພິທີທ່ານ ປອ.ສຸລິອຸດົງ ສຸນດາລາ ຮອງລັດຖະມົນຕີກະຊວງສຶກສາທິການ ແລະ ກິລາ ກໍ່ໄດ້ມີຄໍາຄິດເຫັນໂອ້ລົມ ແລະ ໃຫ້ທິດຊີ້ນໍາຕໍ່ຄະນະກຳມະການຊີ້ນຳສູນສອບເສັງ ທ່ານໄດ້ເນັ້ນໃຫ້ເພີ້ມທະວີດ້ານແນວຄິດ ລົງເລີກ,ຊຸກຍູ້ໃຫ້ນັກຮຽນແຕ່ລະຄົນຫຼັງຈາກຮຽນ ຈົບສາຍສາມັນໃຫ້ໄປຮຽນຕໍ່ສາຍອະຊີວະສຶກສາອີກ ແລະ ທົ່ວເຖິງ,ພ້ອມນີ້ຍັງຮຽກຮ້ອງເຖິງກໍາມະການຍາມຫ້ອງສອບເສັງກໍາມະການກວດຫົວບົດສອບເສັງກໍ່ຄືນັກຮຽນເອງຈົ່ງປະຕິບັດລະບຽບວິໄນຂອງການສອບເສັງຢ່າງເຄັ່ງຄັດເພາະມັນຄືສານຕັດສິນເຖິງຄວາມຍຸຕິທໍາເພື່ອພ້ອມກັນເປັນເຈົ້າການໃນຂອງການສອບເສັງເພື່ອໃຫ້ໄດ້ມາເຖິງຄຸນະພາບແລະປາສະຈາກສຽງວິພາກຈາກສັງຄົມ,ນອກຈາກນັ້ນທ່ານປອ.ສຸລິອຸດົງ ສຸນດາລາ ຮອງລັດຖະມົນຕີກະຊວງສຶກສາທິການ ແລະກິລາພ້ອມຄະນະ ຍັງໄດ້ລົງຕິດຕາມຫ້ອງສອບເສັງຂອງສູນສອບເສັງ ມສ ເຊໂປນ,ເມືອງເຊໂປນ,ມ.ສ ພີນ,ເມືອງ ພີນ,ມ.ສພະລານໄຊ,ເມືອງພະລານໄຊ,ມ.ສ ສະຫວັນ,ມ.ສໂພນສະຫວັນແລະສູນສອບເສັງມ.ສໂພນສິມນະຄອນໄກສອນພົມວິຫານ ແລະໃນໂອກາດໄດ້ລົງມາຕິດຕາມແລະຮ່ວມຕັດເປີດຫົວບົດສອບເສັງໃນຄັ້ງນີ້,ທ່ານ ຮອງລັດຖະມົນຕີກະຊວງສຶກສາທິການແລະກິລາພ້ອມຄະນະ,ທ່ານ ອະນຸສອນ ສຸດທິວົງ ຮອງຫົວໜ້າພະແນກສຶກສາທິການແລະກິລາແຂວງ,ການນໍາຂັ້ນເມືອງແລະນະຄອນໄກສອນພົມວິຫານ,ຕ່າງໜ້າຈາກກະຊວງສຶກສາທິການ ແລະ ກິລາຜູ້ຊີ້ນຳການສອບເສັງປະຈຳແຂວງ ສະຫວັນນະເຂດ, ພ້ອມດ້ວຍທ່ານຄະນະຫ້ອງການສຶກສາທິການແລະກິລາເມືອງແລະນະຄອນແລະຄູ-ອາຈານ,ນ້ອງນັກຮຽນກໍ່ໄດ້ຮ່ວມກັນປູກຕົ້ນໄມ້ນໍາອີກ.

ແຂວງສະຫວັນນະເຂດ ຈັດກອງປະຊຸມຜູ້ບໍລິຫານການສຶກສາ ແລະກິລາປະຈຳສົກຮຽນ 2023-2024

ພະແນກສຶກສາທິການ ແລະ ກິລາ ແຂວງສະຫວັນນະເຂດ ລາຍງານຄວາມພ້ອມຮອບດ້ານ ໃນການຈັດຕັ້ງການສອບເສັງຈົບຊັ້ນ ມ.4 ແລະ ມ.7

ສະຫະພັນກິລາເທຄວັນໂດແຂວງສະຫວັນນະເຂດຈັດການແຂ່ງຂັນເທຄວັນໂດປະຈໍາປີ 2024

ສະຫະພັນແມ່ຍິງຮາກຖານພະແນກສຶກສາທິການແລະກິລາແຂວງສະຫວັນນະເຂດຫວນຄືນມູນເຊື້ອວັນແມ່ຍິງສາກົນ 114ປີ.

ແຕ່ງຕັ້ງຮອງຜູ້ອໍານວຍການໂຮງຮຽນອະນຸບານມິດຕະພາບສະຫວັນນະເຂດ-ກວາງບິງ

🎓 ທຶນການສຶກສາ & ທຶນຝຶກອົບຮົມ

ປະກາດທຶນການສຶກສາ 100% ສຳລັບນັກຮຽນແຂວງສະຫວັນນະເຂດ ຈາກມູນນິທິເກື້ອຝັນເດັກ (ລະບົບຊັ້ນສູງ 12+3) ສົກສຶກສາ 2026-2027

ພະແນກສຶກສາທິການ ແລະ ກິລາແຂວງສະຫວັນນະເຂດ ແຈ້ງໃຫ້ນັກຮຽນທຶນສົກຮຽນ 2026-2027 ເຂົ້າກວດສຸຂະພາບ

ແຂວງສະຫວັນນະເຂດ ເປີດຮັບສະໝັກນັກຮຽນຈົບຊັ້ນ ມ.7 ເຂົ້າສຶກສາຕໍ່ສາຍຄູ ຈຳນວນ 390 ທຶນ ປະຈຳສົກຮຽນ 2026-2027

ຂ່າວດີ! ວິທະຍາໄລເຕັກນິກ ສະຫວັນນະເຂດ ແຈ້ງທຶນຝຶກອົບຮົມວິຊາຊີບ 3 ເດືອນ ຮຽນຟຣີ ພ້ອມມີເບ້ຍລ້ຽງ

ແຈ້ງການ ຮັບສະໝັກນັກສຶກສາຊັ້ນສູງ ຕໍ່ ປະລິນຍາຕີ ຫຼັກສູດບຳລຸງ (3 ເດືອນ) ພາຍໃຕ້ໂຄງການ STAF(LAO/336) ປະຈຳສົກຮຽນ 2025-2026

🔥 ຂ່າວເດັ່ນ & ແຈ້ງການສຳຄັນ

ແຈ້ງການ

ຮອງລັດຖະມົນຕີກະຊວງ ສສກ ລົງຕິດຕາມຊຸກຍູ້ວຽກງານຢູ່ແຂວງສະຫວັນນະເຂດ

ອົງການສຸພານິມິດມອບເຄື່ອງກິລາ ແລະ ອຸປະກອນກິລາໃຫ້ກັບທັບນັກກິລາກະຕໍ້ (ຊາຍ-ຍິງ) ແຂວງສະຫວັນນະເຂດ

ສູນລວມດາວໂຫຼດ: ຟອນພາສາລາວ, ແບບຟອມທາງການ, ໂລໂກ້ ແລະ ໂປຣແກຣມ

ແຂວງສະຫວັນນະເຂດ ຈັດກອງປະຊຸມຜູ້ບໍລິຫານການສຶກສາ ແລະກິລາປະຈຳສົກຮຽນ 2023-2024